Al finar l`añu 2002, entama l`Asociación de Criadores de Gochu Asturcelta.(ACGA). Esti foi el ramu a venti años de taliar per aldegues ya brañes a la gueta de los caberos ejemplares del gochu astur. Pasu ente pasu a lo llargu d`aqueses décades fonon recuperandose animales nos coceyos d`Ayande, Eilao, Cangas del Narcea ya Miranda a paisanos pervieyos que los caltuvieren.  En d`ellos casos yá nun se llegó a tiempo ya los animales gorábense o vendíense pa traximanes namái morrer los sos amos.
Asina fonon abondos los ejemplares que ya nun pudieron andechar pal xorrecer de la castra .Sicasi\'l trabayu de recuperación emprimó con tres goches paridiegues ya un berrón en 1998. Daquella yeren namái que dos los criadores. Na seronda del 2000 atopense una parexa (llabascu ya gocha) nueva. Sele que sele axntánunse otros criadores ya en 2004 yá yeren 8 los que formaben l`Asociación, con un ciensu de 5 berrones ya 9 goches matrices L`ACGA consigue implicar al gobiernu del Principau d`Ast
uries, ya el 3 de Mayu de 2005 inaugura la Conseyería de Mediu Rural en Villaviciosa un “Centru de Reproducción” pal gochu asturcelta ya encamientase-y el proyeutu al SERIDA (Serviciu Rexonal d`Investigación ya Desendolcu Agroalimentariu). El Centru de Reproducción emprincipia`l so llabor con 2 berrones ya 6 femes. L`Asociación persigue el so trabayu algamando que la raza “gochu asturcelta” sea reconocida (BOE 24/01/07)nel “Catálogo Oficial de Razas de Ganado de España”apartau 1.2 “Razas Autóct
onas de Protección Especial”. Tamién nel 2007 asoleya el so Reglamentu del Llibru Xenealóxicu nel BOPAdel 22/05/07 ;Inscribiendo esi añu ya 208 animales. Anguaño hay más de 80 criadores ya un cienso de unos 800 animales vivos llevando lÀCGA varios programas pal desendolcu de la castra en collaboración col Principau yal SERIDA.